Já það er ljóst að það borgar sig að blogga ekkert um tíma og þá verður allt vitlaust í kommentum. En þetta með nýja lúkkið, það er sko nýtt hérna í stjórnborðinu en ég hef greinilega bara ekki hugmynd hvernig á að breyta því á síðunni sjálfri.

Fór til Reykjavíkur um helgina síðustu og var hjá Sólveigu Kristínu í góðu yfirlæti. Fór í klippingu og strípur á fimmtudaginn og hélt að með tímanum myndi ég sættast við "nýju" klippinguna en staðreyndin er sú að ég er ekki enn orðin sátt og finnst ég bara ekkí nógu ´"fín". Var að vonast eftir miklu meiri breytingu þar sem ég fór ekki á vanalega staðinn í klössun. Svo ég ætla bara aftur í klössun á mánudag til Guðrúnar og það hlýtur bara að verða fínt.  Leyfi ykkur að fylgjast með því.  Kíkti aðeins til Ásu ( sem ég bjó hjá á meðan ég var í skólanum) og Hildur hún spurði um þig.  Væri ekki ráð að kíkja aðeins á hana næst þegar þú ert í Rvík.Var svo auðvitað á námskeiðinu á föstudaginn og eftir það skellti ég mér á Selfoss í heimsókn til Hafrúnar vinkonu. Ótrúlega gaman að hitta hana og fjölskylduna alla.  Krakkarnir hafa (þótt ótrúlegt sé) stækkað heilan helling síðan ég sá þau síðast (fyrir nokkrum árum sko). Svo skelltum við frænkur okkur á djammið á laugardeginum og að lokum var brunað heim á sunnudeginum. Og...það er sko nóg að gera í djammi framundan, allavega í nóvember. Fyrst skal nefna 80 ára afmæli föður míns, svo er það árshátíð kvenfélagsins og að lokum partý með Vestfirsku Valkyrjunum, sem er kórinn sem ég er í núna.

úffffffffffffff    Jæja þetta er orðið svo langt og ég búin í undirbúningum svo ég læt þetta duga að sinni.

kv. Lilja 

á síðuna er komið nýtt lúkk, allavega hérna á stjórnborðinu.  Svo ég stóðst ekki mátið að skrifa nokkrar línur.  Er að fara í stórborgina Reykjavík á morgun eftir vinnu svo Jóhanna mín þú verður bara að sakna mín í sundlauginni þar til í næstu viku.  Erindið er að fara á námskeið, íslenski þroskalistinn, svo nú verða öll súgfirsk börn í stórhættu.  Greini þau öll sem einhver ægileg skass.  Neiiiiiiiiiiiiiiiiiiiiiiiiii eða hvað. Varla verður það nú svona slæmt.  Allavega verður þetta vonandi bara gaman.  Búin að panta klippingu hjá Maríu frænku klippikonu og nú verður sko nýtt lúkk. 
Jæja nenni ekki meira núna, segi ykkur síðar frá 30 afmælinu sem ég fór í í Ólafsvík um sl. helgi.  Rosa fjör og óvæntir atburðir.

þangað til næst
lilja

Úff ég veit aldrei hvað ég á að skrifa hérna í þennan titil hérna fyrir ofan. 

Elsku Poo og Ævar,Emma og Elvar Atli.  innilega til hamingju með litlu skvísuna ykkar.  Nú þegar er komin mynd af henni upp á ísskáp svo ég get horft á hana hvenær sem ég vil.  Svo verð ég nú að fara að koma og taka myndir og setja inn á síðuna mína.

Hvað um það, Sólrún vinkona átti afmæli ég gær og sökum leti var bara ekkert kveikt á tölvunni í gær. Hún er því loksins búin að ná mér í aldri þó það standi nú ekki of lengi.  Til hamingju með afmælið elsku vinkona og ég vona að þú hafir haft það gott í gær.

Rétt í þessu var ég að fá boð í afmælisveislu til Elínar í Ólafsvík og er ekki bara málið að skella sér þangað, ég held það bara.  Nú er bara að ýta við Guðný Erlu að drífa sig og þá gæti bara orðið gaman.
Svo ætla ég að taka mér frí frá Sunnukórnum í vetur og prófa nýjan kór.  Það er kvennakór sem er verið að stofna og held ég að það geti bara verið alveg ljómandi gaman.  Fyrsta æfingin mín verður á laugardaginn en annars eru æfingarnar á miðvikudögum kl. 18-20:00 og svo 1 laugardag í mánuði 10-13:00   Miklar æfingar en eins og ég segi örugglega bara ljómandi gaman. Ég hlakka allavega mikið til.

Jæja þetta blogg dugar að sinni og nú vil ég fá smá komment hérna.  Það er ekkert gaman að fá bara kvartanakomment þegar ekkert er bloggað.  Vil líka hinsegin kommnent.

Kv. Lilja

Jæja þá er ég búin að fara og kíkja á litlu skvísuna og eins og við er að búast er hún voða sæt.  Hún reyndist vera 51 cm og 15 merkur. Var bara voða pattaraleg með heilmikið KOLSVART hár. Augun voru dökk á litin svona þegar hún loksins ákvað að opna þau. En hverjum er hún lík... ég myndi segja að hún líktist Emmu systur sinni og pabba sínum og eiginlega bara í okkar ætt.  Hún er ekki með eins dökka húð og maður hefði getað búist við og já, bara svakalega sæt. Ætlaði að sjálfsögðu að taka myndir af prinsessunni en hún gleymdist út í bíl, en ég á nú tvær myndir sem Ævar sendi mér í símann í dag svo ég get alltaf skoðað skvísuna þar.
Að öðru leyti lítið að gerast. Búin að vera á fullu um helgina að útbúa svokallaða handbók fyrir kvenfélagið og auðvitað prenta hana út.  Á nú ekki fljótasta prentara í heimi en hann vann þetta skammlaust greyjið skinnið   Svo er bara eftir að hefta þetta allt saman og ætli ég reyni ekki að stelast til þess í vinnunni á morgun.

Jæja ég ætla að láta þetta duga að sinni

kv. Gloppa

Ég var að fá sms um það að Thitikan mágkona og Ævar bróðir væru búin að eignast stelpu. Hvað hún var stór og þung veit ég ekki ennþá en alveg vissi ég að þetta væri stelpa. Hef sagt það alla meðgönguna og svo viss var ég að það munaði minnstu að ég hefði verið búin að kaupa á hana kjól. Allavega til hamingju með dömuna elsku Ævar og Pú og svo auðvitað Emma og Elvar Atli.

adios
Lilja